Поддржано од:

Генерална цел на проектот е да се промовира искуството за висококвалитетна практична обука, вклучувајќи лица кои преку  мобилност ќе се зголеми нивната конкурентност на пазарот на трудот.

Двонеделна обука во Холандија за 16 млади фармери. Обуката е скроена за две групи на млади фармери кои генерално можат да се поделат на два типа: градинари и сточари.
ЗАЕДНИЧКА ПРОГРАМА: За двете групи е предвидена заедничка програма која ќе се фокусира на клучните прашања на модерното земјоделство во Холандија: управување на синџирот на производство, системи на квалитет, сертификација на производство (ГЛОБАЛГАП), следливост во производството,  заштита на растенијата, намалување на резидуи и безбедност на храната. Исто така, оваа заедничка програма ќе има и практичен дел на фарма за запознавање и користење на современа механизација, трактори и приклучни машини.
ПРОГРАМА ЗА ГРАДИНАРИ: посебна програма за оваа група со фокус на тридневна практична работа на фарма за јагоди, која има производство преку целата година во стакленици, пластеници и на отворено. Фармата има и сопствено производство на расад покривајќи го целиот синџир од одгледување до маркетинг (директна продажба). Групата на градинари, исто така, ќе посети компанија која произведува повеќе од 200 таканаречени „заборавени зеленчуци“ фокусирајќи се на специфичните (ниш) пазари, како што се специјализирани продавници или врвни ресторани каде што само најдобриот вкус е дозволен.
ПРОГРАМА ЗА СТОЧАРИ: за оваа група ќе има посебна тридневна програма за работа и учење на модерна органска фарма за одгледување на млечни крави од видот Џерси (Jersey) и посета на фабрика за производство на сточна храна. Исто е предвидена и посета на стручно училиште кое се занимава со едукација во делот на сточарството.

Национална агенцијата за европски образовни програми и мобилност
Европска комисија – Програма за доживотно учење
Секторска Програма Леонардо да Винчи – Мобилност- PLM - (Луѓе на пазарот на трудот)

• Хорти-мач Холанд
• Универзитет за применети науки CAH Dronten Холандија

Техничка помош во имплементација на моделот на „Договорно производство“ преку управување на тим на специјалисти (индивидуални и специјалисти на ФФРМ) ангажирани да вршат проценка на различни модели на договорно производство и олеснување и поддршка во имплементацијата на оние кои се најприкладни.

• 8 компании од преработувачката индустрија
• Околу 400 земјоделци кои произведуваат суровини за преработувачката индустрија

Поддршката на процесот на имплементација на договорното производство ќе придонесе на јакнењето на конкурентноста на вредносниот синџир на преработувачката индустрија на овошје и зеленчук и нивните производи на локалниот , регионалниот и меѓународниот пазар. Успешното имплементирање на овие активности ќе доведат до реализација на следниве цели:

• Стабилно и сигурно обезбедување на доволни количини на суровини (зеленчук и овошје) за преработка во вредносниот синџир.
• Поттикнување на долгорочно планирање и силна вертикална интеграција во синџирот
• Зголемување на приходот и благосостојбата на земјоделците
• Лобирање и поддршка на моделот за договорно производство

Овие активности ќе бидат спроведени преку следниве акции:

• Подготовка и идентификување на условите за договорно производство
• Мониторинг и давање техничка поддршка во процесот на производство и при склучување на комерцијалните договори помеѓу учесниците
• Мониторинг на откупот, исполнување на договорите и оценка на резултатите

• МЦГ
• Федерација на фармерите на Република Македонија

Подготовка на предлог стратегија за обуки во земјоделството во насока на програмирање на ИПАРД фондовите.

• Тело за управување со ИПАРД програмата во рамките на Министерството за земјоделство, шумарство и водостопанство на Република Македонија.
• Агенцијата за финансиска поддршка на земјоделството и руралниот развој (Платежна агенција);
• Земјоделски образовни институции, факултети, инстути и училишта во рамките на Министерството за образование и наука;
• Агенцијата за поддршка и развој на земјоделството.

Стратегијата за обуки во земјоделството ќе вклучи и спецификација на неопходните активности и критериуми за набљудување на истите, со цел да помогне во подготовка на предлог-мерка во рамките на ИПАРД програмата. Резултатот од овој проект овозможува понатамошен зголемен капацитет за апсорпција на средствата од ИПАРД помошта преку изградба на силна рамка за поддршка на системот на обуки во земјоделството. Конечно, проектот ќе придонесе и во унапредувањето на професионалните вештини и способности на лицата кои се вклучени во земјоделството, производството на храна, шумарството и други економски активности во руралната сфера.

• VRIAN projects B.V.
• Wageningen University Social Sciences Group, Education and Competence Studies (ECS)
• Van Hall Larenstein (VHL)
• Aequor

• Да се утврди приносот и квалитетот на луцерка во одредени региони во Македонија;
• Да се одржи биолошката разновидност преку систем на ротација и плодоред;
• Да се прилагоди концептот на органско производство со ротација, што ќе овозможи легуминозните култури да бидат покорисни;
• Да се подготват едноставни шеми за ротација на културите;
• Да се претворат добиените резултати во нови иницијативи фармерите да се потпрат на обновливи извори на енергија во организиран систем на органско земјоделско производтсво;
• Да се рашират резултатите преку медиумите, фармерите и заинтересирани граѓани за вредноста на легуминозните култури.

1. Да ги развие и подобри способностите на постоечките професионалци во неформалното образование, кои заедно со експерти од ЕУ ќе развијат и на чинителите во руралниот развој ќе им испорачаат прилагодени обуки.
2. Да се воведе едногодишна програма за специјализација за рурален развој во согласност со ECTS на водечките високообразовни институции во Западен Балкан.
3. Да се воспостави Центар за рурален развој на водечките високообразовни институции во Западен Балкан за поддршка на програмите за специјализација за рурален развој и активности во неформалното образование
4. Да ја зголеми регионалната соработка во областа на руралниот развој и ширење на мрежата за рурален развој во Западен Балкан.