Проект ГринПОП - "Зелена Програма за Органско Производство"

Проектот GreenPOP (Green Program for Organic Production) - “Зелена Програма за Органско Производство“ е финансиран од ЕУ Програмата Еразмус плус на Националната агенција за европски образовни програми и мобилност на република Македонија, во рамките на Клучна акција 2 – Стратешки Партнерства, под број 2014-MK01-KA202-000280.

Целта е да им се овозможи на давателите на образовните услуги од сферата на земјоделството да испорачуваат иновативни програми за обука и курсеви за одржливо (органско) земјоделство со фокус на практичната обука (обука на фарма) наменета за две целни групи:

1. Ученици од средните земјоделски училишта (од втора, трета и четврта година) како идни производители, вработени и претприемачи, преку програма за пракса (практична обука) на органска фарма, и
2. Претприемачи, фармери и вработени за кои ќе се развијат посебни кратки модуларни курсеви на тема органско производство.

За да се овозможи оваа цел, проектот исто така ќе креира курсеви за развој на капацитетите на наставниците/ обучувачите и потенцијалните работни ментори (органски производители) користејќи го иновативниот модел на работно практикантство за обучуваните лица во реална околина (на фарма/фирма).

Крајната цел е да се креира една оперативна и акредитирана (верификувана) програма за стручно образование и обука врз база на модуларни курсеви за доживотно учење за органското производство во Македонија, имплементирана од обучен кадар.

Координатор на проектот е Фондацијата Агро-центар за Едукација (ФАЦЕ) од Скопје (www.face.org.mk).

Партнерите во овој проект се избрани за:

а) да обезбедат различно искуство и локации, каде што различните пристапи ќе бидат истражувани и тестирани, имајќи ги во предвид различните културолошки и методолошки пристапи; 
б) да дадат еден фонд на неопходни компетенции и искуство од областа на развој на курикулуми, развој на органското земјоделство, експертиза од областа на образованието, научното и маркетиншко знаење, како и експертиза во делот на претприемништвото и развој на земјоделските стопанства (фарми).

Партнери во Проектот се:

1.  International Foundation for Sustainable Agriculture Training (IFSAT) – Холандија
2. Akureyri Comprehensive College/ Verkmenntaskólinn á Akureyri (VMA) – Исланд
3. Nevares Institute of Agrarian Enterpreuners/ Instituto Nevares de Empresarios Agrarios (INEA) – Шпанија
4. Балкан Биоцерт – Скопје
5. Државно училиште за средно образование “Браќа Миладиновци” – Скопје
6. Средно општинско училиште “Кочо Рацин”- Свети Николе.