Фондацијата Агро-центар за едукација – ФАЦЕ е непрофитна организација формирана во 2006 како центар за инзвонредност и развој на човечките ресурси во областа на земјоделството, производството на храна, заштита на животната средина и руралниот развој во Македонија и регионот. Образовните услуги на ФАЦЕ ги задоволуваат потребите на фармерите, експертите, индустриските менаџери, креаторите на политики, јавните службеници, наставниците и студентите на средните стручни училишта и универзитетите, како и НВО секторот во Македонија, од областа на земјоделството, производството на храна, заштитата на животнат средина и руралниот развој. Главната идеа беше да се развие организација што ќе го пополни образовниот јаз помеѓу формалното и неформаното образование, во полето на земјоделството и руралниот развој во Македонија.
Визија и Мисија
Ние сме Фондација Агро-центар за Едукација
- Неформално образование (обуки, курсеви, семинари и слично)
- Формално образование (проширување и надградување на курикулумите во формалното образование во областа на земјоделството)
Нашата Визија
Создавање општество во кое образованието е движечка сила за позитивни промени за сите, особено оние што се вклучени во земјоделството и руралниот развој.
Нашата Мисија
Како непрофитна организација, ФАЦЕ го зајакнува влијанието на неформалното образование и доживотното учење во Македонија и регионот, во насока на одржлив земјоделски и рурален развој – како и подобрена вработливост. ФАЦЕ го постигнува ова преку развој и имплементација на модерни програми, курикулуми и модели за учење базирани на практична работа.